Atvinnukúrari er tiltölulega ný starfsgrein. Eins og nafnið gefur að kynna þá starfa þeir við það að kúra hjá fólki. Keeley Shoup hefur verið atvinnukúrari síðastliðin sjö ár og rukkar um tólf þúsund krónur á klukkutímann. Hún útskýrir starf sitt á TikTok og ræðir meðal annars um ástæðuna fyrir því að hún elskar „furðulegar“ beiðnir og nefnir nokkrar þeirra. LadBible greinir frá.
Keeley býr í Chicago í Bandaríkjunum. Hún hjálpar meðal annars fólki sem hefur orðið fyrir áföllum og ofbeldi. Hún er með skýrar reglur varðandi hvað er í boði og hvað er ekki í boði. Hún býður aðeins upp á kúr og ekkert af kynferðislegum toga.
Keeley segist elska það þegar viðskiptavinir hennar leggja fram sérstakar beiðnir því það þýðir að þeim líði það vel með henni að þeir þori að spyrja.
„Ég eiginlega elska skrýtnar beiðnir því það þýðir að manneskjan treystir mér nógu mikið til að segja mér hvað hún vill,“ segir hún.
„Ein af reglunum sem ég er með er að viðskiptavinir mínir geta spurt mig um hvað sem er á meðan það fellur innan þeirra siðareglna sem ég starfa innan, og ég mun ekki dæma þá,“ segir hún.
„Ég segi ekki já við öllu. Ég athuga alltaf fyrst hvort að þetta sé eitthvað sem ég geti gert af heilum hug. Ég ætla ekki að gera eitthvað sem mér mun mislíka. Ég er með mín mörk og ég mun aldrei láta mér líða óþægilega.“
@chicagocuddletherapyHeartbeat ##cuddleposition ##cuddlekeeley ##chicagocuddletherapy ##cuddlist ##cuddletherapy ##cuddle ##heartbeat♬ Here Comes the Sun – Acoustic Guitar Revival
Furðulegu beiðnirnar
Keeley nefnir nokkrar öðruvísi beiðnir. „Ég hef farið í „kitluslag“ við viðskiptavini. Ég hef lesið bækur, eins og barnabækur, því þau langar að líða eins og það sé verið að hugsa um þau og þetta er jákvæð minning úr æsku,“ segir hún.
„Ég hef látið eins og hvolpur í gamnislag. Þegar ég segi „furðulegar“ beiðnir þá meina ég „furðulegar“ á sem bestan hátt. Eitt sem ég held að fólk tengi við er: Manstu þegar þú varst barn þá teiknaðirðu eitthvað á bak vinar þíns og hann giskaði hvað þetta var sem þú varst að teikna? Ég elska að gera það.“
Þú getur skoðað myndbönd hennar á TikTok þar sem hún útskýrir nánar hvað felst í starfi hennar.
@chicagocuddletherapyEver heard of a Professional Cuddler? ##professionalcuddler ##procuddler ##cuddlist ##cuddletherapy ##cuddlekeeley ##cuddlebuddy ##chicagocuddletherapy♬ Steven Universe – L.Dre