fbpx
Þriðjudagur 22.júní 2021
Fókus

Orðið á götunni – Baráttan um opnun KFC fyrir norðan miðar hægt – Akureyringum enn í nöp við Helga fyrir Lindu-svikin

Ritstjórn DV
Fimmtudaginn 10. júní 2021 14:00

Ekki missa af Helstu tíðindum dagsins í pósthólfið þitt

Lesa nánar

Í vikunni var greint frá því að forsvarsmenn KFC á Íslandi ættu í viðræðum við fasteignafélag norðan heiða um að opna útibú skyndbitakeðjunnar vinsælu á Akureyri. Sá áhugi er ekki nýr af nálinni heldur hefur verið á teikniborðinu í tæpa tvo áratugi. Síðustu tíu ár hefur verið reynt af krafti að koma framkvæmdinni í farveg án árangurs.

Í frétt Vísis um málið í vikunni kom allt þetta fram og var haft eftir Helga Vilhjálmssyni, sem gjarnan er kenndur við Góu, að stjórn bæjarfélagsins hafi ekki haft áhuga á því að fá kjúklingakeðjuna í bæinn og að yfirvöld hefðu lagt steini í götu allra hugmynda um slíkt.

Orðið á götunni er að ástæðan fyrir þessu áhugaleysi sé yfirvalda, að minnsta kosti að hluta til, að enn eimi eftir af reiði í garð Helga fyrir að hafa flutt sælgætisgerðina Lindu frá Akureyri og suður seint á síðustu öld.

Helgi keypti hina ástsælu sælgætisgerð Lindu á Akureyri árið 1993. Fyrirtækið var stofnað árið 1949 og átti sess í hjörtum norðanmanna enda voru umsvifin talsverð. Þegar best lét á áttunda áratug síðustu aldar störfuðu þar um 45 manns að staðaldri og var reksturinn í þriggja hæða stórhýsi í bænum.

Að lokum fór að halla undan fæti og þegar Helgi keypti fyrirtækið störfuðu þar um 25 manns. Reksturinn var síðan fluttur suður í lok árs 1995.

Því hefur stundum verið haldið fram að Akureyringar hafi í gegnum tíðina ekki verið neitt sérstaklega hrifnir af því þegar athafnamenn að sunnan ætla sér stóra hluti í fyrirtækjarekstri fyrir norðan. Það er mögulega of sagt en hins vegar er engu logið með að það er talin fullkomin dauðasynd í augum innfæddra að taka rótgróin fyrirtæki fyrir norðan og flytja þau alfarið suður.

Erfiðleikar Helga og KFC við að opna útibú í bænum er kannski gott dæmi um þessa kenningu. Tíminn læknar þó öll sár og því gæti loks farið svo að Akureyringar geti smjattað á djúpsteiktum kjúklingi ofurstans þó að það sé mögulega tuttugu árum síðar en áætlað var.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 23 klukkutímum

Friends leikari með lífshættulegt krabbamein – „Það er eina ástæðan fyrir því að ég er að segja frá þessu“

Friends leikari með lífshættulegt krabbamein – „Það er eina ástæðan fyrir því að ég er að segja frá þessu“
Fókus
Í gær

Rukka 2.990 krónur fyrir ristað brauð með lárperu og eggi – „Ekki furða að maður eigi í vandræðum að kaupa sér íbúð“

Rukka 2.990 krónur fyrir ristað brauð með lárperu og eggi – „Ekki furða að maður eigi í vandræðum að kaupa sér íbúð“
Fókus
Fyrir 3 dögum

Skildi ekkert í því að henni fannst hún vera grönn suma daga en aðra ekki – Ástæðan felst í nýju íbúðinni

Skildi ekkert í því að henni fannst hún vera grönn suma daga en aðra ekki – Ástæðan felst í nýju íbúðinni
Fókus
Fyrir 3 dögum

Áhrifavaldur gerir sérfræðinga brjálaða með nektarmynd og „hættulegu“ ráði

Áhrifavaldur gerir sérfræðinga brjálaða með nektarmynd og „hættulegu“ ráði