World Class-erfinginn og áhrifavaldurinn Birgitta Líf Björnsdóttir greindi nýverið frá því að hún stefnir að því að endurreisa skemmtistaðinn B5 í miðbæ Reykjavíkur. Hún tók við lyklunum að Bankastræti 5 í síðustu viku og tóku margir fregnunum fagnandi enda var þetta einn vinsælasti skemmtistaður Íslands áður en honum var lokað í kjölfar kórónuveirufaraldursins.
Birgitta hefur ekki tjáð sig um hvenær hún hyggst opna staðinn annað en að hann verður opnaður sumarið 2021.
Birgitta Líf hélt partý í Bankastrætinu um helgina sem var áhrifavöldum prýtt. Meðal gesta voru Magnea Björg Jónsdóttir, Sunneva Einars, Ástrós Trausta og Hildur Sif Hauks, en þær eru einnig allar vinkonur Birgittu. Arnar Gauti lét sig ekki vanta, hann nýtur mikilla vinsælda á TikTok og kallar sig LilCurly á samfélagsmiðlum.
Birgitta Líf hefur verið í samstarfi með kampavínsfyrirtækinu Moet um árabil og þá var að sjálfsögðu skálað í kampavín.
Birgitta hefur stofnað Instagram-síðu fyrir skemmtistaðinn sem mun opna í sumar. Instagram-síðan heitir @bankastræticlub, þannig hugsanlega erum við að horfa á nafnabreytingu á staðnum eða mögulega er þetta vegna þess að B5 er frátekið á miðlinum.
