Söngkonan Britney Spears ætlar loks að rjúfa þögnina um stöðu sína, en því hefur verið haldið fram að hún sé eins konar fangi föður síns sem er lögráðamaður hennar. Nú hefur söngkonan í fyrsta sinn óskað eftir því að fá sjálf að gefa skýrslu fyrir dómi og tjá sig um fyrirkomulagið.
Faðir Britney stýrir nánast öllu í lífi söngkonunnar og hefur gert síðan hún fékk taugaáfall fyrir rúmum áratug.
Nýlega kom út heimildamyndin Framing Britney sem útskýrði hvernig manneskja sem hefur verið svipt lögræði getur ekki fengið það til baka nema lögráðamaðurinn samþykki það. Aðdáendur söngkonunnar halda því fram að faðir hennar, Jamie Spears, neiti að gefa eftir stjórnina og sé að nota dóttur sína vegna auðæfa hennar.
Hreyfingin #FreeBritney eða „frelsum Britney“ hefur sótt í sig veðrið undanfarin misseri og vakið mikla athygli á stöðu söngkonunnar.
Lögmaður hennar Samuel D. Ingham III sagði fyrir dómi í gær „Britney vill fá að ræða milliliðalaust við dóminn,“ og bætti því við að hún vildi fá að gera á næstunni.
