fbpx
Föstudagur 14.maí 2021
Fókus

Edda segir fólk hafi viljað segja upp hjá CrossFit Reykjavík í kjölfar ummæla Everts

Guðrún Ósk Guðjónsdóttir
Þriðjudaginn 27. apríl 2021 09:38

Edda, Erna og Evert.

Ekki missa af Helstu tíðindum dagsins í pósthólfið þitt

Lesa nánar

Erna Kristín Stefánsdóttir, betur þekkt sem Ernuland, er nýjasti gestur Eddu Falak og Fjólu Sigurðardóttur í hlaðvarpsþættinum Eigin Konur. Edda og Fjóla hafa vakið mikla athygli nýverið fyrir undanfarin viðtöl sín við einstaklinga sem selja efni á OnlyFans.

Erna er guðfræðingur, áhrifavaldur og ötull talskona fyrir jákvæða líkamsvirðingu. Hún heldur reglulega fyrirlestur og námskeið tengt jákvæðri líkamsímynd og hefur meðal annars gefur út tvær bækur.

Í þættinum fara Erna, Edda og Fjóla um víðan völl. Þær ræða meðal annars um fitufordóma og skaðleg áhrif þeirra og nefna athugasemdir CrossFit-þjálfarans Everts Víglundssonar.

Evert Víglundsson var gestur í hlaðvarpinu 24/7 hjá Begga Ólafs fyrr í mánuðinum. Ummæli hans um feitt fólk vöktu mikla athygli en Evert er ekkert að skafa af skoðunum sínum og sagðist vera með fitufordóma. Vísir greindi frá.

„Ég skammast mín „basically“ ekkert fyrir að segja að ég sé með fitufordóma af því að það verður að segja að fita er hættuleg. Þær ákvarðanir sem við tökum í lífinu valda því að við verðum feit og verðum veik […] Þannig að það þarf að hrista upp í fólki sem að í alvörunni heldur að það sé allt í lagi að vera of feitur, vegna þess að það er ekki gott fyrir mann,“ sagði Evert í þættinum.

Skjáskot/YouTube

Segir fitufordóma ofbeldi

Erna segir að fitufordómar séu ekkert annað en ofbeldi. Hún bendir á að þó Evert nefni það að grannt fólk getur líka verið „feitt að innan“ þá verður það ekki fyrir fordómum.

Edda spyr: „Hvernig túlkar þú það þegar fólk segir: „Ég er ekki með fitufordóma, ég er ekki með fordóma fyrir feitu fólki heldur fitunni sem það hefur?“

„Ég túlka það þannig að þú ert með fitufordóma. Og ég túlka þannig að þú ert með fitufordóma fyrir manneskjunni. Þetta er mjög viðurkenndur dulbúningur fitufordóma, umhyggjusemin. Skaðlega umhyggjusemi,“ segir Erna.

Evert sagði í viðtalinu að honum þykir vænt um fólk og þess vegna vilji hann koma þessu á framfæri. „Ef honum myndi þykja vænt um fólk þá myndi hann fræða sig og gera betur,“ segir Erna.

Hér má skoða umræðuna sem Edda birti í Story á Instagram.

Edda vakti athygli á viðtali Everts í Instagram Story fyrir nokkrum dögum. Hún segir að í kjölfarið hafi hún fengið mörg skilaboð frá fólki sem tóku ummæli hans nærri sér. Hún sagði að umrætt fólk hafi sagst ekki finna fyrir metnaði til að hreyfa sig eftir að hafa lesið viðtalið við Evert, heldur upplifði það vanlíðan og vildu segja upp í CrossFit Reykjavík, stöðinni hans Everts, því það vildi ekki vera „dæmt fyrir að vera með fitu.“

Hlustaðu á þáttinn í heild sinni hér að neðan. Þær byrja að ræða um athugasemdir Everts upp úr mínútu 30:00.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Þjóðþekktir Íslendingar stíga fram og lýsa yfir stuðningi við þolendur

Þjóðþekktir Íslendingar stíga fram og lýsa yfir stuðningi við þolendur
Fókus
Fyrir 2 dögum

Karen Ösp birtir fermingarmyndina: „Þarna var ég föst í grófu ofbeldissambandi, sérð þú það?“

Karen Ösp birtir fermingarmyndina: „Þarna var ég föst í grófu ofbeldissambandi, sérð þú það?“
Fókus
Fyrir 3 dögum

Klæddist hvítu í brúðkaupið og daðraði við brúðgumann – Sannleikurinn kom í ljós 2 árum seinna

Klæddist hvítu í brúðkaupið og daðraði við brúðgumann – Sannleikurinn kom í ljós 2 árum seinna
Fókus
Fyrir 3 dögum

Deildi nektarmynd af eiginkonunni á mæðradaginn

Deildi nektarmynd af eiginkonunni á mæðradaginn
Fókus
Fyrir 4 dögum

Þolendur stíga fram – „Mig langar ekki að vera í þessum líkama og oft langar mig ekki til að lifa“

Þolendur stíga fram – „Mig langar ekki að vera í þessum líkama og oft langar mig ekki til að lifa“
Fókus
Fyrir 4 dögum

Segir fólk ljúga upp á Vefjuna eftir umdeildu ummæli Reynis – „Gjörsamlega búið að dauðadæma okkur og fyrirtækið okkar“

Segir fólk ljúga upp á Vefjuna eftir umdeildu ummæli Reynis – „Gjörsamlega búið að dauðadæma okkur og fyrirtækið okkar“
Fókus
Fyrir 4 dögum

Veist þú hvaða Íslendingar eiga þessi augu? Taktu prófið!

Veist þú hvaða Íslendingar eiga þessi augu? Taktu prófið!
Fókus
Fyrir 5 dögum

Hvar átt þú heima í kvikmyndagerð? Taktu skemmtilegt próf

Hvar átt þú heima í kvikmyndagerð? Taktu skemmtilegt próf