Ofurfyrirsætan Emily Ratajkowski sætir nú harðri gagnrýni eftir að hún deildi myndbandi af sér í bikiní rétt rúmlega mánuði eftir að hún eignaðist sitt fyrsta barn.
Emily er 29 ára og gift leikaranum Sebastian Bear-McClard.
Emily er vön því að vekja athygli á samfélagsmiðlum og deilir reglulega djörfum myndum af sér á Instagram. Hún deildi reglulega nektarmyndum á meðgöngunni og hefur verið dugleg að leyfa fylgjendum sínum að fylgjast með ferlinu.
View this post on Instagram
En nýjasta færsla Emily hefur ekki fallið vel í kramið hjá netverjum. Hún deildi mynd af sér í sundbol og myndbandi af sér í bikiní. Ýttu á örina til hægri hér að neðan til að sjá myndbandið.
View this post on Instagram
Fylgjendur hennar velta því fyrir sér hvernig í ósköpunum líkami hennar geti verið svona, þar sem hún eignaðist sitt fyrsta barn fyrir rétt rúmlega mánuði síðan.
Fjöldi fylgjenda hafa hrósað Emily en hún hefur einnig sætt harðri gagnrýni. Þá sérstaklega vegna þess að flestar konur líta ekki svona út eftir barnsburð. Hún hefur verið gagnrýnd fyrir að setja óraunhæfa pressu á aðrar mæður og að myndbirtingin getur haft neikvæð áhrif á líkamsímynd mæðra eftir barnsburð.
Þetta er ekki í fyrsta sinn sem mynd af Emily eftir barnsburð veldur usla. Emily deildi myndinni sem má sjá hér að ofan ellefu dögum eftir að hún átti dóttur sína. Ástralska leikkonan Claire Holt var ein þeirra sem gagnrýndi Emily fyrir að deila myndinni, hún sagði að það væri „pirrandi.“
„Ef þú deilir mynd af þér með alveg sléttan maga tíu dögum eftir að þú eignaðist barn og kallar það jákvæða líkamsímynd, það er eins og að deila mynd af milljónum í bankanum og kalla það jákvæða velgengni,“ sagði Claire um málið.
„Þetta er kannski satt, en þetta lætur fólk líða ömurlega og það er ekki eðlilegt. Þú ert undantekningin, þú ert heppin.“
