Það vakti gífurlega athygli þegar söngkonan Billie Eilish litaði hárið sitt ljóst í mars síðastliðinn. Fyrir það hafði hún verið með svart og grænt hár síðan 2019 og var það orðið að frægu útlitseinkenni fyrir stjörnuna.
Í nóvember ræddi hún um græna hárið við Vanity Fair og sagði að það var orðið erfitt fyrir hana að fara út á meðal almennings þar sem hárið hennar var svo einkennandi.
Það er óhætt að segja að allt varð vitlaust þegar Billie birti fyrstu myndina af ljósa hárinu sínu á Instagram. Myndin hennar sló met en aldrei hafði mynd á Instagram fengið jafn mörg „likes“ á jafn stuttum tíma.
Nú hefur Billie breytt hárliti sínum aftur og er komin með dökkbrúnt hár. Hún birti mynd og skrifaði með: „Söknuðuð þið mín?“
View this post on Instagram
Fallegum athugasemdum rignir yfir söngkonuna og hafa yfir átta milljón manns líkað við myndina.