Sara Óskarsson, listamaður og fyrrveradi þingmaður Pírata, og Andri Thor Birgisson kvikmyndaframleiðandi, voru gefin saman í Hallgrímskirkju í gær. Fallegt vetrarveður var í gær sem setti svip sinn á brúðkaupið sem þótti afskaplega vel heppnað.
„Dásemdarbrúðkaup. Ástin sigrar allt. Takk fyrir okkur,“ voru orð eins brúðkaupsgestsins sem þakkaði fyrir sig.
Brúðguminn, Andri Thor, spáði „hvítu brúðkaupi“ er hann tók mynd af Hallgrímskirkju þann 30. nóvember, en þá var farið að snjóa. Þetta gekk eftir en í dag er hins vegar hláka og slagviðri, þannig að veðurguðirnir voru í liði með brúðhjónunum.
Annar gestur kallaði símamynd sína af brúðhjónunum: „Skilgreining á sannri hamingju.“
DV fékk góðfúslegt leyfi brúðurinnar til að pikka upp þessar myndir frá hamingjudeginum af Facebook-síðu hennar. DV óskar brúðhjónunum hjartanlega til hamingju.
