Hallgerður Hauksdóttir mannfræðinemi hefur kynnt sér narsissisma í kjölfar þess að hún átti í niðurbrjótandi samskiptum við narsisstíska vinkonu. Hallgerður segir að töluverðar ranghugmyndir séu á sveimi um hvað narsissisma og sumir rugli honum jafnvel saman við eðlilega sjálfsánægju eða heilbrigðri löngun eftir viðurkenningu.

Hallgerður ræðir þetta í þættinum Undir yfirborðinu sem er á dagskrá Hringbrautar í kvöld kl. 20, í umsjón Ásdísar Olsen.

Hallgerður sækir sína þekkingu á fyrirbærinu til fagfólks, meðal annars til skrifa geðlækna. Segir hún að narsissismi sé persónleikaröskun sem þróist með viðkomandi í æsku, þar sem erfiðar aðstæður valdi því að barnið glati eigið sjálfi og þurfi að skapa sér nýtt sjálf.

Hún segir að narsissistar geti ekki sett sig í spor annars fólks og skoði tilfinningaleg viðbröð þeirra af hlutleysi, eins og fyrirbæri. Hún segir í pistli sem hún hefur skrifað um þessa röskun á Facebook-síðu sinni:

„Að mínu mati er veröld okkar að miklu leyti stjórnað af narsissistum og einnig af siðblindu fólki vegna þess hversu valdsækið það er. Það er hluti af þeirra röskun, að segja má, að verða að hafa vald og stjórn, ýmist á ,,sínu“ fólki eða bara einhver völd, oft er þett byggt á leiða og tómleika og sækni í spennu. Hátt hlutfall þessa fólks í forystuhlutverkum er að mínu mati að hluta til ástæða þess að svo bjöguð viðhorf og viðmið eru ráðandi samfélagslega, t.d. sókn eftir valdi eða frægð frekar en t.d. eftir sjálfsrækt eða heilbrigðu samfélagi. Alla daga sé ég þetta fólk vaða um heiminn á skítugum skónum. Rannsóknir hafa einmitt sýnt hærra hlutfall fólks með narsissistísk hegðunareinkenni í forsvari í valdastöðum eins og í stjórnmálum eða hjá ráðandi stofnunum eða hjá fyrirtækjum heldur en á meðal almennings.“

Hér í spilaranum er brot úr þættinum í kvöld og þar fyrir neðan er tengill inn á grein Hallgerðar: