Tónlistarmaðurinn og kvikmyndagerðarmaðurinn Einar Egilsson og tónskáldið Eydís Helena Evensen eru saman. Þau opinberuðu samband sitt á samfélagsmiðlum í gær. Vísir greinir frá.
Eydís er upprennandi stjarna í tónlistarheiminum. Hún hefur gert garðinn frægan sem tónskáld og píanóleikari. Hún skrifaði undir hjá Sony í nóvember árið 2019.
Einar var áður giftur söngkonunni Svölu Björgvinsdóttur. Þau skildu árið 2018 eftir að hafa verið saman í tæpan aldarfjórðung. Hann byrjaði með fyrrverandi fegurðardrottningunni Ingibjörgu Egilsdóttur árið 2019 og hættu þau saman rúmu ári seinna.
Fjöldi þekktra Íslendinga óska parinu til hamingju með ástina. Eins og söngkonan Klara Elías, leikkonan Aníta Briem, fjölmiðlakonan Guðrún Sóley og fyrirsætan María Birta, sem er einnig mágkona Einars en hún er gift Ella Egils, bróður Einars.
Fókus óskar parinu innilega til hamingju.
View this post on Instagram
