Það er ekki leikur einn að finna fullkomna nafnið fyrir barnið þitt. Ein kona taldi sig hafa fundið það en tíu dögum eftir skírn komst hún að því að hún hefur verið að bera það fram vitlaust. Ekki nóg með það þá hatar hún réttan framburð nafnsins.

Konan leitaði ráða á Mumsnet, sem er eins konar vettvangur fyrir mæður til að ræða málin.

„Við ákváðum að skíra dóttur okkar Elise. Nafn sem okkur hefur alltaf þótt fallegt,“ segir hún.

Eftir að hafa tilkynnt fjölskyldu og vinum um nafn stúlkunnar. „Við höfum nú uppgötvað að fólk ber það fram sem „Eh-líís“ (Eh-lees). Þar sem seinni hlutinn hljómar eins og „lease“ í „leasehold.“ Við héldum að það væri Eh-líz (Eh-leez) og erum mikið hrifnari af því þannig. Við komumst að því að nánast allir bera það fram sem Eh-lease. Er það rangt hjá okkur að bera það fram Eh-leez?“

Konan segist jafnframt ekki vera viss hvort hún vilji halda nafninu og spyr hvort það sé of seint að breyta því. „Ættum við að breyta því ef okkur finnst hinn framburðurinn á nafninu pirrandi? Er ég að ofhugsa þetta?“

Hún bað mæðurnar á spjallþræðinum að vera ekki of dómharðar þar sem hún væri enn svo viðkvæm eftir barnsburðinn og henni hefði þótt allt í kringum nafnavalið stressandi.

Fjöldi mæðra hvöttu hana til að fylgja hjartanu og breyta nafninu eða jafnvel stafsetningunni á því svo það henti betur.