Myndband fer eins og eldur í sinu um netheima þar sem „draugur“ virðist taka hálsól af hundi. Kona að nafni Shanny Fantg deildi myndbandinu á TikTok og hefur það fengið um tólf milljónir áhorfa. Hún hefur birt nokkur myndbönd á miðlinum til þess að sanna að yfirskilvitleg fyrirbæri séu að heimsækja heimili hennar.

Myndbandið er tekið upp á öryggismyndavél Shanny. Það má heyra báða hundana á myndbandinu gelta. Þeir eru inni í sitthvoru búrinu að gelta á hvorn annan en hætta skyndilega. Síðan virðist hálsól svarta hundsins hreyfast og hann er skelfingu lostinn. Hann stekkur aftur fyrir sig, eins og hann sé að reyna að komast í burtu frá einhverjum eða einhverju og síðan dettur hálsólin af hundinum.

Horfðu á myndbandið hér að neðan.

@shannyfantgsorry for the obnoxious barking at the beginning. watch my black dog. ghost takes her collar off in her crate. #fyp #ghost #dog #scary #wtf♬ original sound – user3228721954538

Shanny skrifar með myndbandinu: „Horfið á svarta hundinn minn. Draugurinn tekur af hálsólina af henni.“

Myndbandið hefur vakið mikla athygli og óhug netverja. „Ég hef aldrei séð jafn sannfærandi draugamyndband,“ segir einn netverji.

„Þeir urðu báðir mjög hljóðlátir. Þeir fundu orkuna. Þögnin var ærandi,“ segir annar.