Það eru fáir jafn nánir og systkinin Daisy Drew og Sean Austin frá Glasgow í Skotlandi. Þau hjálpa hvort öðru að taka myndir fyrir OnlyFans, þar sem þau halda úti sitthvorri síðunni. Systkinin moka inn seðlum og hefur meira að segja tekist að greiða niður fasteignalán foreldra sinna.

Þau koma fram í viðtali við Fabulous Digital. Sean, 29 ára, skráði sig á OnlyFans ári á undan systur sinni Daisy, 24 ára.

„Mér gekk alveg ótrúlega vel, það var eiginlega bara yfirþyrmandi. Mér fannst ég svo heppinn en á sama tíma er eins og það séu margir sem skilja þetta ekki,“ segir hann.

Daisy ákvað að feta í fótspor stóra bróður og skráði sig einnig á OnlyFans. Henni gekk álíka jafn vel og bróður sínum og eftir nokkra mánuði var þetta hennar aðal tekjulind.

Daisy sagði foreldrum sínum frá starfi sínu í mars á þessu ári og fékk blessun þeirra. „Pabbi er mjög stoltur af mér. Hann styður mig. Hann er týpískur Glasgow karlmaður, elskar fótbolta og er algjör „karlakarl“, þannig maður hefði haldið að hann myndi skammast sín en hann gerir það ekki,“ segir hún.

„Aðalmálið er að ég og bróðir minn erum örugg og hamingjusöm. Það er það eina sem skiptir foreldra okkar máli og ætti að vera það eina sem skiptir foreldra máli.“

Systkinin segjast hafa þénað samanlagt rúmlega 350 milljónir á OnlyFans.

Þau taka ekki upp erótískt myndefni saman en hjálpa hvort öðru við að taka ljósmyndir „Þegar þú hefur verið nógu lengi í iðnaðinum þá er ekkert vandræðalegt lengur. Þetta er líka auðveldara því Sean er samkynhneigður, þannig það er ekkert skrýtið að vera í nærfötum eða berbrjósta. Mér líður ekkert óþægilega,“ segir Daisy.

„Hann er með svo mikla fullkomnunaráráttu og mjög hreinskilinn. Ég sýni honum stundum myndefni og hann segir mér hvort það sé gott eða ekki. Ég treysti honum.“

Sean og Daisy nota hluta af tekjunum til að styðja foreldra sína, eins og að greiða niður allt fasteignalán þeirra. Fjölskyldan er einnig á leiðinni í frí til Los Angeles og sjá systkinin um að borga brúsann fyrir alla.

„Við munum samt ennþá vera að búa til efni þannig við munum þurfa einhvern tíma ein,“ segir Sean.