fbpx
Föstudagur 17.október 2025
Fókus

Ekkja Árna Ólafs opnar sig um missinn – „Við vorum alls ekki undir það búin að hann myndi kveðja svona fljótt“

Guðrún Ósk Guðjónsdóttir
Laugardaginn 2. október 2021 10:00

Marta Luiza. Mynd/Hallur Karlsson

Ekki missa af Helstu tíðindum dagsins í pósthólfið þitt

Lesa nánar

Marta Luiza Macuga missti eiginmann sinn og lífsförunaut til rúmlega tuttugu ára í apríl síðastliðnum. Marta var gift leikstjóranum Árna Ólafi Ásgeirssyni sem lést eftir skammvinna baráttu við krabbamein aðeins 49 ára að aldri.

Marta opnar sig um hjónaband þeirra, veikindin og missinn í nýjasta tölublaði Vikunnar.

Árni Ólafur var greindur með krabbamein þann 11. febrúar síðastliðinn og var strax greinilegt að veikindin væru alvarleg. Marta segir að hann hefði verið kvalinn í langan tíma en kvartaði ekki.

„En beinkrabbamein er mjög sársaukafullt, hann var mjög kvalinn síðustu vikurnar og það var erfitt að sjá hann þjást svona og geta ekkert gert þótt hann reyndi alltaf að virðast sterkur fyrir alla í kringum sig,“ segir Marta í viðtalinu og bætir við að síðasta mánuðinn voru læknarnir alltaf að reyna að finna leiðir til að draga úr sársaukanum.

„Maður getur ekki ímyndað sér hversu kvalafullt krabbamein er, nema hafa horft upp á ástvin ganga í gegnum það. Þetta er svo kvalafullt og langt ferli. Mér finnst í raun ótrúlegt að við séum á 21. öldinni en samt séum við ekki komin lengra í baráttunni við þennan vágest. Það eru vonbrigði en kemur vonandi að því einn daginn. Krabbameinið sem Árni Óli fékk var af mjög sjaldgæfri tegund og það er fyrst núna sem byrjað er að prófa ný lyf við því en það er á byrjunarstigi.“

Árni Ólafur Ásgeirsson. Mynd/Ernir

Voru ekki tilbúin að kveðja

Marta segir að þau Árni Ólafur hefðu ekki rætt dauðann sérstaklega þar sem þau vonuðust eftir að fá meiri tíma saman, enda hann aðeins 49 ára. „[Við] vorum alls ekki undir það búin að hann myndi kveðja svona fljótt. Við héldum að hann fengi kannski tíu ár í viðbót,“ segir hún og bætir við að þau hefðu verið ákveðin í að berjast.

„Hann talaði alltaf um að hann væri ákveðinn í því að komast út af spítalanum aftur.“

Síðasta kvikmynd Árna Ólafs, Wolka, verður frumsýnd á alþjóðlegu kvikmyndahátíðinni RIFF þann 6. október í Bíó Paradís. Marta segir að það sé persónulegasta mynd hans.

Þú getur lesið viðtalið við Mörtu í heild sinni í nýjasta tölublaði Vikunnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Britney Spears birtir óræð skilaboð eftir að fyrrverandi opnaði sig um ógnvekjandi hegðun

Britney Spears birtir óræð skilaboð eftir að fyrrverandi opnaði sig um ógnvekjandi hegðun
Fókus
Fyrir 2 dögum

KÍTÓN tónleikar í Iðnó

KÍTÓN tónleikar í Iðnó
Fókus
Fyrir 2 dögum

Barnsfaðir Britney Spears lýsir ógnvekjandi reynslu sona þeirra – Starði á þá sofa með hníf í hendinni

Barnsfaðir Britney Spears lýsir ógnvekjandi reynslu sona þeirra – Starði á þá sofa með hníf í hendinni
Fókus
Fyrir 3 dögum

Spyr hvort ferðamenn taki börnin sín ekki með til Íslands

Spyr hvort ferðamenn taki börnin sín ekki með til Íslands
Fókus
Fyrir 3 dögum

Hafnaði föstu hlutverki í Saturday Night Live – Þetta er ástæðan

Hafnaði föstu hlutverki í Saturday Night Live – Þetta er ástæðan
Fókus
Fyrir 3 dögum

Náði botninum í raunveruleikaþætti – Nær óþekkjanlegur sem vöðvatröll

Náði botninum í raunveruleikaþætti – Nær óþekkjanlegur sem vöðvatröll
Fókus
Fyrir 4 dögum

Nýjar vendingar í skilnaðardrama ársins

Nýjar vendingar í skilnaðardrama ársins
Fókus
Fyrir 4 dögum

Vikan á Instagram – Í sjokki hvað rassabuxurnar virka vel

Vikan á Instagram – Í sjokki hvað rassabuxurnar virka vel