Leikarinn Bruce Willis hefur verið harðlega gagnrýndur fyrir að vera ekki með grímu í miðjum kórónuveirufaraldri.
Samkvæmt Page Six var leikarinn beðinn um að yfirgefa apótek í Los Angeles fyrir að neita að að vera með grímu.
Heimildarmaður Page Six segir að aðrir viðskiptavinir hafi farið í „uppnám“ vegna grímuleysis Bruce.
E! News greinir frá því að þegar starfsmaður verslunarinnar bað Bruce um að hylja andlit sitt með klút sem hann var með í kringum hálsinn, hafi Bruce „grett sig“ og yfirgefið verslunina án þess að kaupa neitt.
Myndir af grímulausum Bruce hafa nú farið eins og eldur í sinu um netheima og hefur hann verið harðlega gagnrýndur.
Kórónuveirufaraldurinn hefur náð nýjum hæðum í Los Angeles undanfarið og kemur það mörgum á óvart að Bruce hafi ekki viljað nota grímu, þar sem hann hefur áður hvatt til grímunotkunar.
Fjölskylda Bruce hefur einnig látið mikið til sín heyra á samfélagsmiðlum varðandi grímunotkun og sóttvarnir. Í október deildi eiginkona Bruce, Emma Heming Willis, mynd af þeim hjónum ásamt dætrum sínum með grímur. Í júlí gagnrýndi hún þau sem neita að nota grímur
Bruce Willis tjáir sig um málið við People og viðurkennir að þetta hafi verið „dómgreindarleysi“.
„Verið örugg þarna úti og höldum áfram að nota grímur,“ segir hann.
