Hafa samband
DV
Fókus

Kjóll Oliviu Rodrigo skiptir aðdáendum í fylkingar – „Hún er ekki barn“

Fókus
Þriðjudaginn 28. september 2021 12:00
Mynd/Getty

Söngkonan Olivia Rodrigo mætti í svörtum kjól frá Yves Saint Laurent á galakvöld The Academy Museum of Motion Pictures á laugardaginn síðastliðinn.

Olivia varð átján ára í febrúar. Þrátt fyrir ungan aldur hefur Olivia getið sér gott orð sem söngkona og lagahöfundur. Fyrsta plata hennar, Sour, sló í gegn. Olivia hefur einnig hlotið fjölda verðlauna á þessu ári. Meðal annars fyrir besta lag ársins og besti nýi listamaðurinn á MTV-verðlaunahátíðinni.

 

Kjóllinn sem Olivia klæddist á laugardaginn kom af stað rökræðum um hvort að kjóllinn væri „viðeigandi“ fyrir söngkonuna eða ekki.

Aðdáendur skiptust í fylkingar. Sumum þótti Olivia glæsileg í kjólnum á meðan öðrum þótti hún of ung fyrir svona „djarfan kjól“.



Einn netverji sagði að hún væri ekki barn, enda orðin átján ára. Annar netverji vitnaði í texta söngkonunnar Billie Eilish um stöðuga gagnrýni sem hún verður fyrir vegna fatavals síns. Fleiri netverjar hafa  einnig tekið upp hanskan fyrir Oliviu og bent á að konur mega klæðast því sem þær vilja.

Fræga fólkið
Stjörnufréttir
Útlit

Fleiri fréttir