Fyrirtækið Nafty er stórhuga en það ætlar sér að sjá til þess að klámstjarnan Lexi Luna verði fyrsta klámstjarnan sem tekur upp klám úti í geim.

Nafty er rafmyntafyrirtæki sem sérhæfir sig í erótísku efni. Fyrirtækið heldur til dæmis uppi markaði fyrir eins konar stafræn skírteini (e. non-fungible token) sem eru flest nokkuð klámfengin.

Þá heldur fyrirtækið einnig uppi áskriftarvefsíðunni NaftyFans en sú síða svipar að miklu leyti til OnlyFans, munurinn liggur í því að notendur NaftyFans notast við rafmynt þeirra til að kaupa efni. Fyrirtækið vill meina að það hækki ágóða notenda og sé því betra en OnlyFans.

Ljóst er að Nafty ætlar sér stóra hluti á klámmarkaðnum en DailyStar greindi frá því í dag að fyrirtækið ætli sér að reyna að koma klámstjörnu á sínum vegum út í geim. Ætlunin er að fá pláss fyrir Lexi í geimfari SpaceX, sem er að mestu leyti í eigu auðjöfursins Elon Musk.

Fyrirtækið hefur nú þegar sótt um að fá að kaupa miða fyrir Lexi en hún er ein af fjölmörgum sendiherrum fyrirtækisins. „Nú þegar almennir borgarar geta ferðast út í geim viljum við vera hluti af þessum tímamótum í mannkynssögunni með því að senda Lexi Luna út í geim,“ segir Rob Kemenyfi, framkvæmdastjóri Nafty.

Áður en Lexi gerðist klámstjarna vann hún sem kennari, eitt af hennar uppáhalds fögum til að kenna var einmitt stjörnufræði. Rob segir að þetta geri Lexi að fullkomnum kandídat fyrir farþega í geimfarinu.