Tónlistarkonan Lizzo vann til verðlauna á verðlaunahátíðinni VMA-awards sem haldin er af sjónvarpsstöðinni MTV. Lizzo vann verðlaun fyrir besta samstarfið milli tónlistarmanns og efnisskapara. Lizzo mætti þó ekki á verðlaunahátíðina og tók því ekki við verðlaununum sem hún vann.
Lizzo greindi frá því hvers vegna hún mætti ekki á verðlaunahátíðina í myndbandi sem hún birti á samfélagsmiðlinum TikTok. Myndbandið hefur vakið gríðarlega athygli en það hefur verið spilað rúmlega 12 milljón sinnum á samfélagsmiðlinum.
„Ég vann í alvörunni VMA á meðan ég var að stunda kynlíf í gærkvöldi. Ég verð þarna á næsta ári, ég lofa,“ segir Lizzo í myndbandinu.
@lizzoWE WON THE FIRST @mtv VMA FOR A TIKTOK BESTIES!!! WE DID IT— WHERE MY MOONMAN AT? 😤
Hún tekur ekki fram með hverjum hún var að stunda kynlíf en í athugasemdunum við myndbandið telja margir að leikarinn Chris Evans sé sá heppni. Orðrómur um að þau tvö væru að rugla saman reitum kom í kjölfarið á því að Lizzo sagðist hafa haft samband við hann í gegnum Instagram þegar hún var undir áhrifum. Síðan þá hafa þau bæði grínast með að vera í sambandi en marga grunar að eitthvað sannleikskorn sé í gríninu.
