Áheyrnarprufur America‘s Got Talent standa nú yfir og erum við nú þegar búin að sjá þrjú atriði fá gullhnappinn.

Hin þrítuga Jen, sem kallar sig Nightbird, fékk gullhnappinn frá Simon. Hún hefur varið undanförnu ári í að berjast við krabbamein og flutti fyrir dómarana frumsamið lag.

Jimmie Herrod fékk gullhnappinn frá Sofiu Vergara fyrir flutning sinn á laginu „Tomorrow“ úr söngleiknum Annie og svo var það Taekwondo-atriði sem heillaði Terry Crews, kynnir þáttanna, upp úr skónum og fékk gullhnappinn frá honum.

Simon ákvað að stríða meðdómara sínum, Sofiu Vergara, og lék hana grátt með stórkostlegum hrekk.

Hann fékk tvo aðila til að aðstoða sig með hrekkinn og þykjast vera í áheyrnarprufum og fá Sofiu upp á svið til að aðstoða við atriðið. Síðan er bundið fyrir augu Sofiu og hún látin skjóta Simon.

Horfðu á hrekkinn hér að neðan.