Íþróttakonan, þjálfarinn og áhrifavaldurinn Edda Falak svaraði spurningum fylgjenda sinna á Instagram í gær. Spurningarnar snerust mikið um mataræði Eddu en er hún óneitanlega í hörkuformi. Til að mynda hefur komið fram að hún tekur mest 135 kíló í hnébeygju.
View this post on Instagram
Edda segist borða í kringum tvö þúsund kaloríur á dag. Hún æfir sex sinnum í viku og sirka tvo tíma á dag. Hún var vön að vigta matinn sinn þegar hún var að keppa en gerir það ekki lengur.
„Ég sé ekki tilganginn í því þegar ég er hvorki að keppa né að reyna að létta/þyngja mig,“ segir hún í Story á Instagram. Edda segist ekki heldur fasta þar sem hún sér ekki tilgang í því.
„Ég hlusta bara á líkamann og passa að borða fjölbreytta og holla fæðu. Mér finnst mjög mikilvægt að vera ekki að stressa mig á kaloríum eða macros. Ég þekki líkamann minn vel og veit hvað ég þarf að borða svo mér líði vel. Ég er mikil rútínu manneskja og borða yfirleitt það sama í morgunmat, hádegismat og millimál.“
Hér deilir hún morgunmatnum sem hún fær sér oftast þessa dagana.
Edda segist ekki forðast neinar matartegundir nema það sem henni þykir vont. „Sem er helst bernes sósa og remúlaði,“ segir hún.
Aðspurð hvernig hún heldur hausnum í lagi í „mótvindi“ segir hún: „Ég á líklegast besta kærasta í heimi sem bara stendur alltaf með mér í öllu og er duglegur að minna mig á mikilvægu hlutina í lífinu. Hann minnir mig á þegar ég virðist gleyma því að ég er bara að gera mitt besta.“