Jennifer Aniston hefur loksins afhjúpað merkingu húðflúrsins, „11 11“, sem hún er með á úlnliðnum. E! News greinir frá.
Í mörg ár hafa aðdáendur stjörnunnar velt því fyrir sér hvað „11 11“ stendur fyrir. Sumar kenningar hafa verið meira áberandi en aðrar, eins og að „11 11“ standi fyrir uppáhalds númerið hennar, eða sé til heiðurs hundanna hennar eða standi jafnvel fyrir afmælisdaginn hennar, 11. febrúar.
Samkvæmt vinkonu hennar, Andreu Benewald, eru þessar kenningar ekki alveg út úr kú.
Þann 11. febrúar síðastliðinn deildi vinkona Jennifer, Andrea Benewald, mynd af Jennifer á Instagram og óskaði vinkonu sinni til hamingju með daginn. „Get ekki beðið eftir því að fagna saman! […] 11:11“
Andrea deildi nokkrum myndum af sér og Jennifer og á einni myndinni má sjá að þær stöllur eru báðar með „11 11“ húðflúrað á úlnliðinn.
Í dag á Andrea afmæli og birti Jennifer sömu mynd í Instagram Story.
„Til hamingju með afmælið […] 37 ár og bara það besta eftir,“ skrifar Jennifer.
Árið 2018 sagði heimildamaður við People að „11 11“ táknaði afmælisdag stjörnunnar og árið sem hundurinn hennar, Norman, dó. Jennifer er með nafnið á Norman húðflúrað á fætinum.
En svo virðist að það sé meira á bak við húðflúrið og það tákni eitthvað tengt vinskapi hennar og Andreu.
View this post on Instagram
