Fegurðardrottningin og athafnakonan Linda Pé er komin á hlaðvarpsvagninn. Hún hefur nú gefið út fyrsta þáttinn af hlaðvarpi sínu, Lífið með Lindu Pé. Vísir greindi einnig frá hlaðvarpi Lindu.
Linda Pé mun í þáttunum fjalla um lífsþjálfun en aðaláherslan verður þó á þyngdartap. Nú geta þeir sem ætla að léttast á nýju ári beðið spenntir eftir mánudögum þar sem Linda gefur út nýjan þátt á hverjum mánudegi.
„Viltu grennast en ert orðin þreytt á megrunarkúrum? Ef svo er, ertu á réttum stað,“ segir Linda um hlaðvarpið. „Ég ætla að kenna þér lausnina við að losna við aukakílóin án þess að þú þurfir nokkurn tímann aftur að fara á megrunarkúr.“
Hér fyrir neðan má hlusta á hlaðvarpið:
