Karlmaður reyndi að hrekkja eiginkonu sína en bjóst ekki við svörunum sem hann fékk. Hann sendi eiginkonu sinni skilaboð og þóttist vera bandaríski leikarinn og grínistinn Jason Mantzoukas. Honum brá heldur í brún þegar eiginkona han sendi „Jason“ nektarmyndir.
Maðurinn vissi ekkert hvað hann átti að gera næst og ákvað að leita ráða hjá netverjum á Reddit. Færslunni hefur í kjölfarið verið deilt á Twitter og farið eins og eldur í sinu um netheima.
I [36M] catfished my wife [37F] pretending to be Jason Mantzoukas [47M] pic.twitter.com/7SShk5UEq4
— relationships.txt (@redditships) September 6, 2020
Sagan er sú að parið átti saklaust samtal um hvaða stjörnu þeim langaði að sænga hjá. Maðurinn nefndi Beyoncé og eiginkona hans viðurkenndi að hún væri mjög hrifin af Jason Mantzoukas, sem fór í sama háskóla og hún í Vermont.
Eiginmaðurinn var bæði afbrýðisamur og forvitinn og ákvað að senda eiginkonu sinni tölvupóst og þykjast vera Jason. Hann sendi henni kynferðisleg skilaboð ásamt nektarmyndum af „loðnum karlmanni“ sem hann fann á netinu. Það sást ekki í andlit mannsins á myndunum. Eiginkonan sendi nektarmyndir til baka.
Eins og fyrr segir leitaði maðurinn ráða hjá netverjum á Reddit. Hann sagðist ekki vita hvað hann ætti að gera og viðurkenndi að hann langaði eiginlega ekki að hætta. „Ég hef ekki séð eiginkonu mína nakta í marga mánuði,“ segir hann.
„Ég veit að ég virðist vera alveg klikkaður, en mig langar að sjá hversu lengi ég kemst upp með þetta. En það er samt frekar ömurlegt að þykjast vera Jason Mantzoukas.“
Netverjum þótti sagan sprenghlægileg og einn netverji sagði að maðurinn ætti þetta skilið. Annar sagði að næst þegar hann er ósáttur þá ætti hann bara að tala við eiginkonu sína, ekki þykjast vera grínisti á netinu.
Nokkrir efast um sannleiksgildi sögunnar. „Ég er viss um að þetta sé ekki satt, en ég er ánægð að sjá að fólk á Twitter sé loksins að átta sig á hversu aðlaðandi Jason Mantzoukas er. Ég get ekki útskýrt það en hann er algjört nammi,“ segir einn netverji.
