Áhrifavaldurinn og athafnakonan Lína Birgitta greindi frá því í gær að umfjöllun um vörumerki hennar Define The Line Sport hefði birst í tískutímaritinu vinsæla Vogue. Í kjölfarið benti fjölmiðlamaðurinn Helgi Seljan á að umrætt pláss í Vogue væri líklega auglýsing. Lína Birgitta útskýrði málið fyrir blaðamanni.

Í gær birti Lína færslu á Instagram þar sem að hún greindi frá því að merkið hennar hafi fengið lítið pláss í bresku útgáfu tískutímaritsins Vogue. Hún sagðist jafnframt vera himinlifandi yfir því.

„Ég veit ekki alveg hvar ég á́ að byrja! Vogue var að skrifa um Define The Line Sport í nýjasta blaðinu sínu! Ég er hálfpartinn orðlaus yfir þessu og er varla að trúa því́. Ég er ein þakklát kona og gæti sprungið úr þakklæti í orðsins fyllstu merkingu.“

 

View this post on Instagram

 

Ég veit ekki alveg hvar ég á að byrja! Vogue var að skrifa um @definethelinesport í nýjasta blaðinu sínu! Ég er hálfpartinn orðlaus yfir þessu og er varla að trúa því 😭 Ég er ein þakklát kona og gæti sprungið úr þakklæti í orðsins fyllstu merkingu ♥️ Thank you so much @britishvogue for featuring my brand in your latest issue ♥️

A post shared by Lína Birgitta (@linabirgittasig) on Jun 4, 2020 at 11:14am PDT

Segir að þetta sé auglýsing

Mbl.is fjallaði um málið með fyrirsögninni „Lína Birgitta í einu frægasta tísku-tímariti heims“. Það fannst Helga Seljan furðulegt, en hann vildi meina að um auglýsingu væri að ræða og birti skjáskot frá tímaritinu máli sínu til stuðnings.

Á skjáskotunum má sjá að hægt er að kaupa auglýsingar í blaðinu, til dæmis á þeim síðum sem að dálkinn um Define The Line Sport mátti finna. Þar kom fram að auglýsingarnar kosti 680 sterlingspund þegar að virðisaukaskattur er ekki reiknaður með. Það eru um það bil 114 þúsund krónur.

Rétt fyrirsögn: „Lína Birgitta keypti smáauglýsingu í útlensku blaði.“

Lína Birgitta í einu frægasta tískutímariti heims – https://t.co/z7R2Kn309f https://t.co/V3dSzaD2Mg via @mblfrettir pic.twitter.com/FBpMxwiQtK

— Helgi Seljan Jóhannsson (@helgiseljan) June 5, 2020

Lína svarar

DV hafði samband við Línu Birgittu og spurði hana út í málið, en svar hennar er eftirfarandi.

„Vogue hafði samband við mig og vildi fjalla um Define the line sport og ég hélt fyrst að þetta væri “spam” email. En svo ákvað ég að hafa samband til baka og þetta reyndist allt vera “real”.

Persónulega hefði mér aldrei dottið í hug að auglýsa í erlendu blaði og hvað þá Vogue af öllum blöðum, þar sem að fókusinn minn er aðallega á Íslendinga eins og staðan er núna (vil nota pening í markaðsmál hér heima).

Eftir að umfjöllunin kom út (nýjasta blaðið) þá buðu þau mér að auglýsa í næsta blaði sem ég var meira en til í að prófa! Þannig að Define The Line Sport kemur aftur í næsta blaði og það er kostuð umfjöllun. Ég er mjög spennt fyrir því!“