Ástralska YouTube-stjarnan Sorelle Amore keypti draumahúsið hér á Íslandi undir lok síðasta árs. Hún hefur verið dugleg að sýna frá ævintýrinu á YouTube en þar er hún með tæplega milljón fylgjendur.
Sorella býr ásamt kærasta sínum á Suðurlandinu en er um þessar mundir á ferð um Íslands í litlum húsbíl. Hún sýnir frá ferðalaginu í nýju myndbandi á YouTube.
Sorelle segist kalla sig „stafrænan hirðingja“ (e. digital nomad) því hún getur unnið hvaðan sem er í heiminum og getur unnið á ferð sinni um landið í húsbílnum, Hún hvetur fólk sem getur unnið að heiman að ferðast til Íslands, leigja sér húsbíl og gera það sama og hún. Vinna og skoða landið til skiptis.
Horfðu á myndbandið hér að neðan.
Fyrir tveimur vikum sýndi hún hvernig Ísland lítur út án ferðamanna.
