Hrafnkell Birgisson og Reynir A Óskarson kynna drykkjarhorn nútímans á HönnunarMars 2020 undir nýju vörumerki, Dwarfware. Opnunin verður haldin á MicroBar, Vesturgötu 2, 101 Reykjavík, fimmtudaginn 25. júní kl.17 en húsið verður opið til 23. Einnig verður opið á föstudag frá 14-23 og laugardag og sunnudag frá 12-23, báða dagana.
Vitað er að norrænir menn á söguöld notuðu horn til drykkju og nóg er um forna texta m.a. í Hávamálum þar sem lýst er drykkjusiðum þeirra og lífssýn. Hrafnkell hefur endurhannað hornið og með Reyni fært það í nýjan 21. aldar búning.
Hrafnkell Birgisson hefur starfað sem vöruhönnuður í tvo áratugi en hann nam sitt fag í Þýskalandi.
Reynir A. Óskarson er annar höfuðpaur samtakanna Hurstwic sem rannsaka vísindalega sannleiksgildi Íslendingasagna og bardagaaðferðir víkinga.
Auk nýju drykkjarhornanna verður kynnt diskasett með óvæntum myndskreytingum sem vísa í muni norrænna manna á söguöld.
Frekari upplýsingar um Dwarfware má finna á vefsíðunni www.dwarf-ware.com, einnig er hægt að hafa samband símleiðis í Reyni A. Óskarson í síma 846-9079 eða Örn Þorvarðarson í síma 789-4504, eða með tölvupósti á orn@dwarf-ware.com
