Hér er ekki töluð vitleysa eru spunaþættir þar sem ótrúleg ósannindi eru sett fram á sannfærandi hátt. Hver þáttur er bara ein taka þar sem Bolli Már Bjarnason fær þjóðþekkta einstaklinga til að leysa frá skjóðunni.
Skemmtikrafturinn Hjálmar Örn Jóhannsson sagði meðal annars frá tíma sínum í norska hernum. Hann segir frá erfiðri æfingasíu og óvæntri orrustu þar sem hann bjargaði vinum sínum frá dauða.
Tónlistarkonan Magga Stína segir Bolla frá byltingarkenndu prógrammi sem hún er þátttakandi í þar sem hún verður fryst eftir að hún deyr.
Þættirnir eru aðgengilegir á RÚV.is og RÚV appinu. Þar má finna fleiri viðtöl við þjóðþekkta Íslendinga sem leyna heldur betur á sér.
