Hildur Sif Guðmundsdóttir, sem margir þekkja úr Áttunni, verslaði bikiní á netinu en hefði betur mátt sleppa því. Hún pantaði bikiní frá vinsælu netversluninni ASOS. Þegar sendingin kom í hús kom í ljós að bikiníið væri allt of lítið. Svo lítið að það passaði á kött Hildar.
„Ég var mjög spennt að fá þetta bikiní og ASOS hefur nánast aldrei klikkað áður. Ég var vægast sagt fyrir vonbrigðum þegar ég opnaði pakkann. Í fyrstu hélt ég bara að það væri svona svaka teygja á þessu og ætlaði að láta vaða að máta þetta, en þegar þetta komst ekki yfir öxlina á mér þá hætti ég að rembast og sætti mig við raunveruleikann,“ segir Hildur Sif og hlær.
„Ég á litla sæta kisu sem er ljósið í lífi mínu, og hef áður pínt hana í föt,“ segir Hildur og vísar í árlegu jólamyndatöku þeirra.
„Þannig hugmyndin að láta hana máta bikiníið var ekki svo galin. Ég get alveg sagt að ef kötturinn passar í flíkina þá er hún of lítil.“
Hildur Sif segist hins vegar ekki hafa misst alla trú á netverslunum. „Ég mun ekki hætta að versla á netinu. Það er allt of gaman,“ segir hún.
Hildur segist hafa pantað bikiníið í sinni venjulegu stærð. Hún veit hins vegar um aðra konu sem keypti sama bikiní og lenti i sömu vandræðum.
Hildur deildi myndbandi af sér reyna að máta bikiníið og kettinum sínum svo í því á samfélagsmiðlinum TikTok. Yfir 36 þúsund manns hafa horft á myndbandið. Horfðu á það hér að neðan.
@hildur.sifPantaði bikiní af asos.. kötturinn minn passaði í það.. // ordered a bikinini and it fits my cat🙀 ##iceland ##skinny ##bikini ##fyp ##foryou ##xyzbca♬ SkiNNNYYYYYYYYYY – failedtweetdecker