Dýrasti sumarbústaður landsins, ef miðað er við skráða bústaði til sölu á fasteignarvef mbl.is og Fréttablaðsins, er í Öndverðarnesi, Þrastaskógi í Grímsnes- og Grafningshreppi. 89 milljónir eru settar á bústaðinn sem er um 170 fermetrar að stærð. Bústaðurinn er nálægt golfvelli og sundlaug fyrir sumarhúsaeigendur í Öndverðarnesi.
Húsið skiptist í anddyri, þvottahús, baðherbergi, fjögur svefnherbergi, setustofu, eldhús, stofu, gufubað, aukabaðherbergi, geymslur og er með heitan pott.
Sjá einnig: Eitt glæsilegasta sumarhús landsins til sölu
Bústaðurinn stendur á leigulóð sem er um 5500 fermetrar að stærð.
Sérblað um sumarhús fylgir nýjasta tölublaði DV. Það er meðal annars rætt við innanhúshönnuðinn Örnu Þorleifsdóttur sem gefur lesendum skotheld ráð fyrir huggulegra sumarhús.
Sjáðu myndir hér að neðan.
