Lögreglan á Suðurlandi deilir skemmtilegu myndbandi á Facebook-síðu sinni sem hefur rækilega slegið í gegn. Lögreglumennirnir Grétar og Garðar fara á kostum í myndbandinu, sem hefur fengið um ellefu þúsund áhorf á hálfum sólahring.
Grétar og Garðar eru lögreglumenn á Höfn og deildu upphaflega myndbandinu með samstarfsfélögum sínum. En eins og lögreglan á Suðurlandi segir, myndbandið er þess eðlis að því verður að deila með fleirum.
„Lögreglumenn á Suðurlandi eru með lokaðan hóp á Facebook þar sem allt annað en lögreglumál eru rædd. Um daginn fengu menn áskorun frá fimleikaþjálfara liðsins að sína hæfni sína þar með því að pósta mynd af sér í handstöðu. Það hefur gengið mjög vel hjá sumum en síður hjá öðrum. Önnur áskorun sem kom var um tónlistaratriði og þetta sem hér fer er þess eðlis að því verður að deila með fleirum. Þeir kusu að kalla sig Double G (Grétar og Garðar) báðir lögreglumenn á Höfn. Njótið,“ skrifar lögreglan á Suðurlandi með myndbandinu.
Horfðu á það hér að neðan.