Myndband sem sýnir söngvarann ástsæla Friðrik Ómar taka lagið fyrir utan hjúkrunarheimilið Aspar- og Beykihlíð á Akureyri hefur vakið mikla hrifningu á Facebook. Fjöldi fólks deilir myndbandinu. Friðrik Ómar segir að hann komist ekki inn á heimilið vegna heimsóknabanns í COVID-19 faraldrinum en hann lét það ekki stöðva sig í að gleðja íbúana með söng og þeir komu í hrönnum út á svalir til að hlýða á.

„Maður fær gæsahúð,” segir ein manneskja sem deilir myndbandinu og margir taka í sama streng.