Fyrirsætan Paige Woolen hefur undanfarið verið að hjálpa konum að komast að því hvort makinn þeirra myndi halda framhjá. Paige, sem er með yfir 200 þúsund fylgjendur á samfélagsmiðlinum Instagram, útskýrði nýverið hvers vegna hún ákvað að gera þetta.
„Ég tók eftir því að margir menn sem senda mér persónuleg skilaboð eru með myndir af kærustunum sínum á aðganginum sínum,“ segir Paige á Instagram en DailyStar vakti athygli á málinu. „Það lét mig hugsa um það hvort kærusturnar þeirra viti af því að kærastinn þeirra er að senda einhverjum fáklæddum stelpum skilaboð. Ég ákvað að leggja mitt af mörkum og hjálpa stelpunum sem fylgja mér á Instagram.“
View this post on Instagram
Paige bauðst til þess að senda skilaboð fyrir stelpur á kærastana þeirra til að athuga hvort þeir myndu halda framhjá. „Það kom mér á óvart að flestir svöruðu ekki eða þá sögðu eitthvað dónalegt eða að þeir ættu kærustu, bara nokkrir lugu og sögðust vera einhleypir,“ segir Paige.
Hún greip einn mann glóðvolgan eftir að hafa spurt hann hvort hann væri í sambandi. „Ég er nógu einhleypur,“ sagði maðurinn sem var í sambandi og spurði Paige því næst um notendanafn hennar á samfélagsmiðlinum Snapchat.
Þá voru aðrir sem bitu á agnið og sögðust vera einhleypir. Þó viðurkenndi einn að hann væri í sambandi en væri samt til í að hittast. Sá sagði að kærastan hans væri til í alls konar svo þau gætu gert eitthvað skemmtilegt öll saman.
View this post on Instagram
