Elsa Yeoman fyrrum forseti borgarstjórnar og þúsundþjalasmiður hefur sett á sölu fallega íbúð við Vesturgötu í hjarta miðborgarinnar. Íbúðin er 101,4 fm og ákaflega hlýleg. Elsa er mikil húsmóðir eins og sést á hlýlegu heimilinu en matseld hennar er fræg um borgina, þá sérstaklega pizzurnar.

Þess ber að geta að Elsa var borgarfulltrúi bestaflokksins en hún og Jón Gnarr fyrrum Borgarstjóri kynntust einmitt þegar elsa vann sem matselja á auglýsingastofu sem Jón vann á.

Elsa er mikill listakokkur svo ekki ber að undra að eldhúsið sé fullkomið fyrir þá sem njóta samverustunda í eldhúsinu. Rúmgott alrýmið saman stendur af eldhúsi, borðstofu og stofu. Í miðrýminu er eyja, fallegur tréveggur, gaseldavél, og útsýnisgluggi yfir í höfnina og Esjuna.

Sjá nánar hér.