Í nýjasta þætti raunveruleikaþáttarins First Time Mum fékk breska fyrirsætan og raunveruleikastjarnan Ferne McCann óvenjulegt símtal frá leynilegum aðdáanda, sem kallaði sig Herra C. Þessi aðdáandi vissi vel að óðum styttist í 30 ára afmælisdag McCann og bauð henni því að fljúga með einkaþotu til Cannes í Frakklandi. Hún samþykkti boðið undir eins.
Í þættinum má sjá hana svara í símann og segja: „Halló Herra C, er í lagi með þig? Þetta væri æðislegt!“ Stuttu seinna tilkynnir hún vinkonu sinni að þær séu að fara með einkaþotu til Cannes.
„Herra C er að bjarga deginum, hver er þessi maður? Hvaðan kemur hann? Hoppaði hann út úr skáldsögu? Ég er mjög spennt.“
Þá mátti sjá brot úr sjálfri einkaþotunni, þar sem að Ferne sagðist tilbúin í að verða 30 ára, ef að það væri það sem tekur við.
„Þetta er svona klíptu mig-augnablik. Svona hlutir gerast ekki í alvörunni. Mér líður eins og að ég sé í Hollywood-mynd.“
Mikið hefur verið fjallað um sambandsslit Ferne McCann og Albie Gibbs, sem áttu sér stað fyrir skömmu. Eftir þau velti hún fyrir sér hvort hún myndi lifa skírlífi. Í þættinum grínaðist vinur hennar með að það myndi breytast vegna Herra C. Ferne var á öðru máli og sagði:
„Því lengur sem maður fær það ekki, því lengur þarf maður það ekki.“
Hér má sjá stiklu úr umræddum þætti First Time Mum, sem birtist á Instagram síðu Ferne McCann.
View this post on Instagram