Instagram-síðan @SiblingsOrDating hefur verið að vekja töluverða athygli undanfarið og er komin með rúmlega 210 þúsund fylgjendur.
Síðan deilir myndum af tveimur einstaklingum í senn og spyr fylgjendur hvort þeir haldi að um par eða systkini sé að ræða.
@SiblingsOrDating byrjar á því að spyrja fylgjendur í Instagram-story og geta netverjar tekið þátt í skoðanakönnun. Næst er myndinni deilt á Instagram-síðuna sjálfa. Fyrst má sjá mynd af fólkinu, ef þú ýtir á örina til hægri má sjá hvort þau séu par eða systkini, og á næstu mynd má sjá niðurstöður könnunarinnar.
Við tókum saman nokkrar myndir og lesendur geta spreytt sig og giskað hvort um sé að ræða systkini eða kærustupar.
Ýttu á örina til hægri til að sjá svarið, og ýttu svo aftur á örina til hægri til að sjá niðurstöður könnunarinnar.