Ungur karlmaður leitar ráða til Dear Deidre, kynlífs- og sambandsráðgjafa The Sun.

„Kærastan mín veit ekki að hún er ógeðslega andfúl. Hún elskar að kyssa mig en ég þoli ekki lyktina og ég er farinn að forðast hana,“ segir maðurinn.

„Við höfum verið saman í sex mánuði og sambandið okkar er frábært, fyrir utan þetta. Mér datt í hug að tala við vinkonur hennar eða fjölskyldu og spyrja hvað ég ætti að segja við hana.

Ég hef miklar áhyggjur því ég er byrjaður að missa áhugann á henni. Ég vil ekki særa tilfinningar hennar, hún elskar mig. Ég veit ekki hvað ég á að gera.“

Deidre gefur manninum ráð.

„Andfýlan gæti verið vísbending um heilsubrest, þannig það er mikilvægt að hún láti athuga þetta. Segðu henni að þú hafir áhyggju af heilsu hennar, að þú elskar að kyssa hana en lyktin hefur neikvæð áhrif. Ráðleggðu henni að fara til tannlæknis og sjáðu hvað gerist. Hún gæti farið í uppnám en þú ert að gera hvorugu ykkar greiða með því að segja ekki neitt,“ segir hún.