fbpx
Laugardagur 31.október 2020
Fókus

„Margir feður sem teldu það tómt rugl að hætta í skóla til þess að láta berja sig“

Jón Þór Stefánsson
Þriðjudaginn 11. ágúst 2020 10:04

Skjáskot - Feðgarnir Haraldur og Gunnar í hlaðvarpinu hans Sölva

Ekki missa af Helstu tíðindum dagsins í pósthólfið þitt

Lesa nánar

Bardagakappinn Gunnar Nelson og faðir hans Haraldur Nelson voru gestir í podcasti Sölva Tryggvasonar. Þar fjölluðu þeir um feril Gunnars sem bardagakappa og hvað leiddi til þess að hann færi þá óvenjulegu leið. Í viðtalinu er greint frá því hvernig Gunnar hætti í menntaskóla, en það gerði hann á meðan að Haraldur var erlendis.

„Hann var alltaf fínn námsmaður og svona, en hann notaði tækifærið og hætti í menntaskóla á meðan ég var úti og tilkynnti mér það þegar ég kom heim. Það var haldinn fjölskyldufundur í kjölfarið,”

Haraldur segist hafa fundið að Gunnari væri alvara með því að ná langt í íþróttinni og því hafi ekkert annað komið til greina en að styðja við bakið á honum. Gunnar segir að það sé alls ekki sjálfgefið að foreldrar sjái hlutina með sömu augum og pabbi hans og mamma.

„Ég hugsa að það væru margir feður sem teldu að það tómt rugl að hætta í skóla til þess að láta berja sig í einhverju búri,“

Gunni vill meina að rektor Menntaskólans við Sund eigi stóran þátt í þessari ákvörðun sinni, þar sem hann fékk hann til að hugsa sinn gang.

„Hann boðaði mig á fund af því ég var búinn að mæta svo illa, af því ég var bara alltaf á æfingum og eitthvað svona. Mér gekk svo sem ágætlega og náði prófum þótt ég væri ekkert að sinna þessu. Á fundinum sagði hann: „Þú þarft að fara að hugsa þinn gang vinur minn og ákveða hvað þú vilt gera” og ég man að ég hugsaði að þetta væri bara hárrétt hjá honum og ég sagði honum að ég væri hættur.”

Þá ræða þeir feðgar upphafið í UFC (bardagasamtökin sem Gunnar berst í) og hvernig gekk að velja inngöngulag fyrir bardaga hans, en forseta UFC, Dana White leist ekki vel á lagið Leiðin okkar allra, með Hjálmum.

„Þegar Gunni átti fyrsta bardagann sinn í UFC þá er það þannig að Dana White fer yfir öll lögin og hann sagði bara nei við Hjálmum. Honum fannst það ekki nógu rokkað og hann vildi að við myndum senda honum þrjú eða fjögur önnur lög. Við sendum honum bara íslensk lög, Bubba og Quarashi og eitthvað sem Gunni valdi,”

„Við héldum að það myndi heyrast eitthvað allt annað lag, en síðan þegar við erum að labba inn þá kom bara lagið með Hjálmum, sem var alltaf lagið sem við ætluðum að velja.”

Í þættinum er fjallað um margt fleira, til dæmis sambandið við ofurstjörnuna Conor McGregor. Hann má sjá hér að neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Eru þau systkini eða kærustupar – Getur þú giskað rétt?

Eru þau systkini eða kærustupar – Getur þú giskað rétt?
Fókus
Í gær

Kardashian-systir fékk COVID-19: „Megi Guð blessa okkur öll“

Kardashian-systir fékk COVID-19: „Megi Guð blessa okkur öll“
Fókus
Fyrir 2 dögum

Sagði dóttur sinni að Peppa Pig væri fyrir utan – En í staðinn var svínshræ

Sagði dóttur sinni að Peppa Pig væri fyrir utan – En í staðinn var svínshræ
Fókus
Fyrir 2 dögum

Þess vegna neitar Siggi Hlö að spila lög eftir Michael Jackson

Þess vegna neitar Siggi Hlö að spila lög eftir Michael Jackson
Fókus
Fyrir 4 dögum

Óprúttinn aðili braust inn til Línu og Gumma – „Mjög óþægi­legt og óhuggu­legt“

Óprúttinn aðili braust inn til Línu og Gumma – „Mjög óþægi­legt og óhuggu­legt“
Fókus
Fyrir 4 dögum

Faldi myndavél í rassvasanum – Greip menn glóðvolga

Faldi myndavél í rassvasanum – Greip menn glóðvolga