„Stundum eiga ferðirnar það til að breytast í mannaskoðunarferðir,“ sagði Aðalsteinn Svan Hjelm, markaðsstjóri Whale Watching Hauganesi, um ferð fyrirtækisins með stóran hóp fólks. „Þessi dásamlegi hnúfubakur mældi okkur út í um 20 mínútur í morgun. Ógleymanlegt augnablik!“ Sjá má videoið hér að neðan.
Óhætt er að segja að náttúruöflin hafi auðveldað störf starfsfólks Whale Watching Hauganesi í sumar, því hvalirnir hafa verið stutt frá og leikið listir sínar fyrir fjölda ferðamanna í allt sumar. Í gær náðist svo meðfylgjandi myndband af Hnúfubak í „mannaskoðunarferð.“ Hauganes er við Eyjafjörð, skammt frá Dalvík eða um hálftíma akstur frá Akureyri. Segja heimamenn að bíltúr inn að Hauganesi í hvalaskoðun, bjórsmökkun hjá Kalda á Árskógssandi og bryggjurúntur á Dalvík sé hin fullkomna dagsferð frá Akureyri. Svo er hægt að enda daginn í heitu pottunum á Hauganesi, en það eru einu heitu pottarnir við strönd sem snýr til suður á Norðurlandi.
Við gefum svo hnúfubaknum í Eyjafirði orðið: