„Á ekki nógu djúpstæð orð til að lýsa liðnum dögum.“
Helgi greindi frá þessu á Instagram í dag. Þar segir hann frá muninum sem er á gleði og sorg en Helgi missti föður sinn stuttu eftir að hafa verið beðinn um að klæða sig í sjúkrahúsfatnaðinn fyrir keisaraskurðsaðgerð.
„Í dag fékk ég fregnir af því að faðir minn hefði fallið frá. Stuttu áður var ég beðinn um að fara í “Scrubs” fyrir keisaraskurð aðgerð. Aðgerðin gekk vel og sonur minn Kári Zikoranachidi Saint Helgason fæddist klukkan 12:40 og var 53 cm á hæð og 3.79 kg með stórar fætur. Ég rifja upp ljóðið sem spurði “hver munurinn væri á gleði og sorg”. Lífið er fallegt og hrikalegt og dauðinn er bara önnur hlið á sama pening.“
Helgi hafði gert sér ferð til Svíþjóðar í vikunni til þess að kveðja föður sinn sem var með alvarlegt krabbamein.
„Við áttum nokkra fallega daga saman þar sem við sungum saman, horfðum á Bob Dylan heimildarmynd og áttum samfögnuð með öðrum. Á leiðinni til London fékk ég símtal frá konunni minni þar sem hún tjáði mér að læknarnir vildu setja hana af stað.“
Hann þakkar öllum sem hafa sýnt hlýhug.
„Hef ekki leyft mér að gráta en ég geri það núna. 5. September mun alltaf vera stór dagur í lífi mínu.“
Hér fyrir neðan má sjá færslu Helga í heild sinni
https://www.instagram.com/p/B2CKDC8gUuM/