Þorbjörg Alda Marinósdóttir, betur þekkt sem Tobba Marínós, og Karl Sigurðsson, Baggalútur og fyrrverandi borgarfulltrúi, gengu í það heilaga í gærkvöldi. Brúðkaupið fór fram í villu í ítalska smábænum San Severino Marche.
Tobba og Kalli voru umkringd fjölskyldu og vinum er þau játuðust hvort öðru eftir tæplega þriggja ára trúlofun og enn lengra ástarsamband. Athöfnin var einstaklega falleg og eftir hana skemmtu gestir sér fram á rauða nótt.
https://www.instagram.com/p/B2moSwFAiV9/?igshid=3ojk7qd8mupc
Kalli og Tobba eiga saman tvær dætur, þær Regínu og Ronju Guðbjörg, og tóku þær virkan þátt í gleðinni. Tobba hefur tjáð sig mikið um það í pistlum og á samfélagsmiðlum síðustu vikur að hún hafi breyst í „bridezilla“ við undirbúning brúðkaupsins og haft nóg að gera – eiginlega of mikið. Hún hefur leyft fylgjendum sínum á Instagram að fylgjast með tímanum á Ítalíu áður en hún gekk að eiga Kalla og virðist hafa náð að slaka vel á vikuna áður en stóra stundin rann upp.
https://www.instagram.com/p/B2byfK5gcha/
https://www.instagram.com/p/B2bzQLogyOs/
Fókus óskar Tobbu og Kalli innilega til hamingju!