Íslensk kona sem vinnur í lítilli vínbúð úti á landi greinir frá mjög óþægilegu og óhugnanlegu atviki sem hún lenti nýlega í. Hún segir frá þessu í Facebook-hópnum Sögur af dónalegum viðskiptavinum og gefur DV leyfi til að birta færsluna, en vill þó koma fram nafnlaus.

„Ég er að vinna í lítilli vínbúð úti á landi.

Inn kemur maður og kaupir sér eina kippu af bjór, ég afgreiði hann og tek eftir því að hann er með opna buxnaklauf.

Ekkert mál, bara svolítið vandræðalegt en hey, það kemur fyrir á bestu bæjum.

Maðurinn borgar fyrir sinn bjór og fer út.

Stuttu seinna kemur maðurinn aftur inn og segir „það áttu víst að vera tvær kippur.“ Ekkert mál, ég afgreiði hann með seinni kippuna. Og í miðri afgreiðslu tek ég eftir að maðurinn er búinn að TOGA TYPPIÐ Á SÉR út um buxnaklaufina og stendur þarna fyrir framan mig með typpið út í loftið.

Ég frýs og veit ekkert hvað ég á að gera svo ég þykist ekki taka eftir neinu og afgreiði manninn sem fer svo bara út eins og ekkert hafi gerst.

What the actual fuck !?!“

Einn netverji segir að þarna hefði hún átt að fá yfirmann til að vísa manninum út og setja á bannlista. Því svarar konan:

„Ég hefði sennilega gert það hefði ég ekki verið ein. En svo hugsar maður alltaf hvað maður myndi gera í svipuðum aðstæðum og er yfirleitt búinn að plana það nákvæmlega en svo þegar kemur virkilega að því að maður lendir í einhverjum svona aðstæðum þá er eins og heilinn segir bara nei og breytist í froðu.“

Meðlimir hópsins voru fljótir að hvetja hana til að kæra málið til lögreglu.

„Þetta á alveg inn á borð hjá lögreglu,“ skrifar einn meðlimur.

„Þetta kallast blygðunarbrot og er ólöglegt. Mjög greinilegt að hann hefur gert þetta viljandi, allavega hefði ég haldið það,“ skrifar annar.

„Þetta er gamla útgáfan af gaur sem sendir typpamyndir,“ skrifar einn netverji.