Victor Guðmundsson, heitir 28 ára gamall læknanemi (lærir í Slóvakíu) sem einnig fæst við tónlist. Er hann nokkuð þekktur DJ eða skífuþeytari, og hefur meðal annar séð um tónlistina í Tuborg-tjaldinu á Þjóðhátíð, undir nafninu Doctor Victor. Nýverið sendi Victor frá sér nýtt lag fyrir sumarhátíðina Sumargleðin, ásamt þeim bræðrum Guðmundi Þórarinssyni og Ingó Veðurguði, en lagið er þemalag hátíðarinnar. Lagið er hægt að finna á Spotify undir leitarorðinu „Sumargleðin“.
Victor fékk óvænta og skemmtilega sendingu fyrir stuttu, þegar kollegi hans úr læknastétt, sem hann þó veit engin deili á, skurðlæknir frá Ohio í Bandaríkjunum, sendi honum meðfylgjandi myndband. Skurðlæknirinn heitir Shahryar Tork og virðist nota lag Victors til að koma sér í gírinn í vinnunni. Fáséðir munu vera svona tilburðir hjá skurðlæknum á skurðstofum. Sjón er sögu ríkari:
