Hjónin Lóa Dagbjört Kristjánsdóttir og Albert Þór Eiríksson eru eigendur Lindex á Íslandi, en fatakeðjan er sænsk að uppruna. Fyrsta verslunin var opnuð hér á landi árið 2011, og var henni gríðarvel tekið. Lindex styrkir baráttuna gegn brjóstakrabbameini og er verkefnið þeim mjög kært, en auk þess eru þau styrktaraðilar Unicef.
Hugmyndin að Lindex kviknaði við eldhúsborðið hjá þeim þegar þau bjuggu í Halmstad í Svíþjóð, varð að verslun í bílskúr á Selfossi og í dag eru verslanirnar sjö talsins auk netverslunar. Lindex skilaði 50,3 milljóna króna hagnaði árið 2017 og starfa um 100 manns hjá fyrirtækinu. Hjónin vinna nú að lokafrágangangi samningagerðar við alþjóðlegt fasteignafyrirtæki um að opna Lindex-verslun í Danmörku.
Albert Þór starfaði áður hjá Atlantsolíu, Vífilfelli og sem kennari í Svíþjóð, Lóa Dagbjört starfaði áður hjá Innovit.
Hjónin búa í glæsilegu 352,7 fermetra húsi á Arnarnesi, Mávanesi 8.
Heimili:
Mávanes 8
352,7 fm
Fasteignamat: 119.900.000 kr.
Lóa Dagbjört Kristjánsdóttir og Albert Þór Eiríksson:
Tekjublað DV 2018: Tekna ekki getið.
