fbpx
Þriðjudagur 17.september 2019  |

DV - Frjáls og óháður miðill

Fókus

Frægur poppari sagði Siggu Dögg frá brellu í bólinu: „Maður þurrkar í rúmið og heldur áfram“

Fókus
Mánudaginn 8. apríl 2019 20:30

Sigríður Dögg Arnardóttir, sem oftast er kölluð Sigga Dögg. DV/Mynd: Hanna

Ekki missa af Helstu tíðindum dagsins í pósthólfið þitt

Lesa nánar

„Það er svo margt um píkuna sem við vitum ekki,“ segir kynfræðingurinn Sigríður Dögg Arnardóttir, eða Sigga Dögg, í Föstudagsþættinum Fókus. Umræðuefni þáttarins er píkuheilsa, en útferð var meðal þess sem rætt var.

Engin sulta í miðjunni

Sigga dögg birti mynd af nærbuxum á Instagram fyrir stuttu. Það væri svo sem ekki í frásögur færandi nema fyrir þær sakir að það var útferð í buxunum.

 

View this post on Instagram

 

A post shared by Sigga Dögg (@sigga_dogg_sexologist) on

„Ég fæ sendar alls konar myndir og ég myndi segjast að þetta væri ein penasta útferð sem hægt væri að bjóða upp á,“ segir Sigga Dögg. En af hverju er aldrei talað um útferð?

„Ég held að hún sé mikið mál því þetta hefur aldrei verið rætt. Þegar þú horfir á bíómyndir og þær fara úr brókinni og hún danglar á stóru tánni þá er engin sulta í miðjunni. Það er bara allt voða hreint og fínt. Og svo förum við að stunda kynlíf með einhverjum og við ætlum að slengja brókinni, þá er þetta ekki sama lögmál og með ristað brauð. Ef þú missir ristað brauð sem er smurt þá lendir alltaf sultan niður, en það lendir alltaf sultan upp með nærbrókina,“ segir Sigga Dögg og hlær. „Við þekkjum þetta allar. Eins og á meðgöngu, hjálpi mér herregud, það er allt á floti þarna niðri.“

Engin píkulykt eftir sturtu

Sigga Dögg segir að útferð geti verið glær, hvítleit og misþykk og mikil eftir því hvar konur eru á tíðarhringnum. Hún segir mikilvægt fyrir konur að fylgjast með útferðinni og leita til læknis ef eitthvað er ekki eins og það á að vera.

„Ef það er ekki vond lykt af henni og þér finnst hún ekki óvenjuþykk og þig klæjar ekki þá er yfirleitt allt þarna á milli nokkuð normalt, ef hún er ekki grænleit eða gulleit og þér finnst ekki sterk lykt. Þú ættir ekki að finna píkulykt af þér þegar þú ert nýkomin úr sturtu. Ef þú finnur lykt þá er það merki um að það gæti verið kominn tími á að fara til læknis.“

Gæja gæi og útferð

Sigga Dögg heldur áfram og rifjar upp kynni sín af frægum, íslenskum tónlistarmanni, en þau ræddu einmitt um útferð.

„Ég var einu sinni í viðtali með frægum poppara sem við skulum ekki geta. Við gætum nafnleyndar. En þetta var svona gæja gæja. Og hann var eitthvað: Sigga, þú og þessi útferð. Þú verður að hætta að tala um þetta. Þetta er ógeðslegt,“ segir Sigga Dögg, sem svaraði popparanum um hæl. „Ertu að segja mér að þú hafir aldrei slædað þér niður og þér hefur mætt útferð og hvað gerir kallinn? Hættirðu við? Nei, kallinn reddar þessu. Og hvað gerir kallinn? Maður þurrkar og þurrkar í rúmið og heldur áfram,“ segir Sigga Dögg.

Hún segir mikilvægt að útferð sé rædd og að konur tali sín á milli um útferð, alveg eins og þær tali um fæðingarsögur, kynlíf og blæðingar.

„Ef við erum að tala um píkuheilsu, af hverju er þetta ekki eitt af því sem við erum að tala um? Við erum svo fókuseruð á blæðingar en hvað með útferðina? Hvað með stöffið í brókinni?“

Horfa má á þáttinn í heild sinni hér fyrir neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Sjáðu myndir af rosalegu glæsihýsi Ólafs Arnalds á Balí

Sjáðu myndir af rosalegu glæsihýsi Ólafs Arnalds á Balí
Fókus
Fyrir 3 dögum

Ingó Veðurguð sendir frá sér lag sem hann segir að geti orðið umdeilt – „Það er ekki kjaftur á listamannalaunum í Kenya“

Ingó Veðurguð sendir frá sér lag sem hann segir að geti orðið umdeilt – „Það er ekki kjaftur á listamannalaunum í Kenya“
Fókus
Fyrir 5 dögum

Vafasamar fullyrðingar um megrunarkaffi: Törutrix fékk 150 þúsund króna sekt – Ábendingin kom frá Töru Margréti

Vafasamar fullyrðingar um megrunarkaffi: Törutrix fékk 150 þúsund króna sekt – Ábendingin kom frá Töru Margréti
Fókus
Fyrir 5 dögum

Manuela Ósk birtir fyrstu myndina úr Allir geta dansað: „GARG ÉG ER SVO STRESSUГ

Manuela Ósk birtir fyrstu myndina úr Allir geta dansað: „GARG ÉG ER SVO STRESSUГ