Jón Bjarni Steinsson, eigandi og framkvæmdarstjóri Dillon við Laugaveg, hefur búið til skemmtilegan drykkjaleik fyrir óveðrið sem við landsmenn eigum von á seinna í dag. Hann gaf Fókus góðfúslegt leyfi til að deila leiknum með lesendum.

„Væri ekki hægt að búa til einhvern skemmtilegan drykkjuleik á morgun fyrst fólk er hvor eð er að hanga heima.. Allir með drykk við hönd uppúr 14 og fylgjast með fréttum.. hægt að sötra í rólegheitum en ef eitthvað af eftirfarandi gerist þá gilda reglur:

– Trampólín á flugi – klára drykkinn

– Fréttir af lausum þakplötum – klára drykkinn

– Fyrir viðtal við hvern þann sem lenti í vandræðum vegna flugs sem er hætt við – klára drykkinn

– Fyrir hverja mínútu sem fréttamaður stendur í beinni útsendingu í blindbyl skal blanda einum einföldum af sterku í glas – menn ráða hvort þeir bæta við blandi

– Fyrir viðtal við lögreglumann í búning sem segir okkur að fólk eigi ekki að vera á ferðinni skal drekkast tvöfaldur sterkur

– Kristján Már æsifréttamaður mætir í gula vestinu og tekur viðtal við viðbragðsaðila.- Tequilaskot

Passa svo að setja vídeo af hverjum gúlluðum drykk á Instagram.“

Jón Bjarni stingur síðan upp á að nota myllumerkið #12vindstig á samfélagsmiðlum.

Hvað segja lesendur, ætlið þið í þennan drykkjuleik?