Fyrirsætan Bryndís Líf svarar karlmanni sem kallar hana hóru og segir henni að fara í föt. Maðurinn skrifaði við nýjustu mynd hennar á Instagram. Bryndís Líf birtir reglulega djarfar myndir af sér og er nýjasta mynd hennar engin undantekning.
https://www.instagram.com/p/B4c4YlLA10C/
Instagram-notandinn gibsgibs11 skrifaði við mynd Bryndísar:
„Farðu í einhver föt! Gifstu íslenskum gaur og eignastu börn. Af hverju ertu að sýna fegurð þína fólki sem þú myndir ekki einu sinni hugsa um að vera með? Lætur eins og hóra, þó ég skal veðja að þú ert það ekki. Vaknaðu, þú átt eftir að sjá eftir öllu þessu.“
Bryndís birtir skjáskot af ummælunum í Instagram Story og svarar þeim.
„Ég vill frekar láta eins og hóra heldur en að vera einhver sem reynir að draga aðra niður. Auðveldasta leiðin til að sjá hvernig líf þitt mun verða er að taka eftir hversu mikla neikvæða athygli þú gefur öðrum og þér sjálfri. Og svo annað, ef þú heldur að þú getur stjórnað því hvað ég geri með ummælum, má ég stinga upp að þú haldir þig til friðs,“ segir Bryndís Líf.
Hún segir einnig að það þurfa ekki allir að verða eitthvað sem samfélagið „vill að við verðum. Vertu öðruvísi.“
Nokkrir netverjar koma Bryndísi til varnar í kommentakerfinu undir mynd hennar.
„Bryndís má gera það sem hún vill, ef það truflar þig geturðu tekið kommentið þitt og farið héðan!!!“ Skrifaði einn netverji.
„Af hverju?? Hún er með fallegan líkama og hún ætti að sýna hann. Ef ég myndi líta út eins og hún þá myndi ég alltaf vera nakin – af hverju? Því við ERUM UNG og við getum gert klikkaða hluti stundum. Og afsakaðu en ekki allar konur þurfa börn og eiginmenn til að vera hamingjusamar. Hún hefur tíma fyrir það og hún mun gera það sem hún vill. Ef myndirnar hennar trufla þig, ekki horfa á þær,“ skrifaði ein kona.
DV tók viðtal við Bryndísi Líf í ágúst síðastliðnum um fyrirsætustörfin og djörfu myndirnar. Hún sagði meðal annars:
„Það er eins og [nekt] sé tabú hérna á Íslandi að mínu mati. Eins og þetta sé eitthvað nýtt. En ég fylgi alveg áhrifavöldum að utan og þá er þetta bara fullkomlega eðlilegt, kannski af því að þar er heitara, ég veit ekki. En mér finnst þetta svona „free-spirited“ dæmi, að láta ekki einhvern annan hefta mig því þeim finnst þetta ekki í lagi,“ segir Bryndís Líf.