Í næsta þætti af DV tónlist munu tónlistarmennirnir Bjarki Ómars (Bomarz) og Svala Björgvins heimsækja þáttinn. Tvíeykið mun forsýna nýtt myndband við lagið Skin 2 Skin á morgun, miðvikudaginn 30. janúar, á tónleikastaðnum Húrra í Reykjavík. Í DV tónlist á föstudaginn munu þau frumflytja lagið en lagið kemur út sama dag á öllum helstu tónlistarveitum.
Þess má geta að tvíeykið er einnig með lag í fyrstu forkeppni Eurovision í ár en lagið nefnist Nú og hér og er það söngkonan Þórdís Imsland sem flytur lagið.
Ítarlegt viðtal við Bjarka og Svölu verður í helgarblaði DV.
DV tónlist hefst á slaginu 13.00 á vef DV.is á föstudaginn.
