Uppistandarinn Björn Bragi Arnarsson er kominn aftur fram í sviðsljósið, eftir að atvik tengt honum og unglingsstúlku á Akureyri tröllreið öllum samfélags- og fjölmiðlum í lok síðasta árs.

Um er að ræða uppistand hans með hópnum Mið-Ísland, sem er nú boðið upp á í Þjóðleikhúskjallaranum, en hópurinn hefur staðið fyrir um 400 sýningum í heildina og hefur Björn Bragi lengst af verið hluti af hópnum og verið mjög vinsæll, auk þess að sjá um uppistand og veislustjórn einn og sér.

En hvernig snúa menn aftur eftir svona atvik? Jú klárlega með því að „henda sjálfum sér“ fyrir grínlestina, en Björn Bragi gerði stólpagrín að sjálfum sér.

Björn Bragi uppskar strax hlátrasköll: „Ég heyri á ykkur að þið sáuð mig síðast á miðlum á borð við Mbl, Vísi, DV, Eyjunni, Snapchat, Tinder, Instagram og Facebook.

Sama dag byrjaði Nova með nýjan og hræðilegan biðtón, með lagi Högna í Hjaltalín. „Sorglegasta lag sem samið hefur verið og fólk hringdi í mig og: „Jæja þá er Björn Bragi búinn að drepa sig.“

Segir hann að eftir að Íslandsbanki hafi afbókað hann hafi hann farið að fá fyrirspurnir frá alls konar nýjum stöðum, eins og Árneshreppi og Drangsnesi. „Þið vitið stöðum sem eru ekki með internet.“

Ofangreint er aðeins brot af uppistandi Björn Braga, en óhætt er að segja að það hafi slegið rækilega í gegn, en mikið var um fagnaðarlæti í salnum, hlátrasköll og klapp.