Það er eins og jólin hefjist fyrr í Kauptúni en annars staðar á landinu en sala á jólavarrningi hefur byrjað snemma í gegnum árin í IKEA. Eitthvað hefur IKEA sofið á verðinum því Costco er fyrr á ferðinni í ár. Það er Morgunblaðið sem greinir frá þessu.

Jólavörurnar byrjuðu að tínast inn í Costco í síðustu viku og nú þegar hafa nokkur jólatré verið seld, þar af eitt sem er þriggja metra hátt. Samkvæmt upplýsingum frá heildsölurisanum fara jólavörurnar að detta inn í verslanir keðjunnar á heimsvísu um þetta leyti.

Terry Gunnell, prófessor í þjóðfræði við HÍ, hefur rannsakað jólahefðir Íslendinga og annarra í gegnum tíðina. Hann sagði í samtali við Morgunbblaðið að það væri mjög óvenjulegt hér á landi að jólaundirbúningur hefjist svona snemma.

„Þetta er nokkuð sem maður sér oft­ar er­lend­is en hér. Íslend­ing­ar hafa haft ein­hverj­ar regl­ur um það hvenær má byrja að spila jóla­lög og svona. Hér­lend­is sér maður viðbrögð ef ein­hver set­ur jóla­ljós upp allt of snemma, svo sam­fé­lagið hef­ur sín­ar leiðir til að und­ir­strika óskrifaðar sam­fé­lags­regl­ur,“

Þó svo að Costco byrji að selja jólavörur svona snemma þá þýðir það ekki endilega að siðir Íslendinga hafi breyst.

„Þetta eru nátt­úr­lega fyrst og fremst versl­an­ir sem eru að hugsa um að selja vör­ur. Í Bretlandi leiðist fólki það ef sala á jóla­varn­ingi hefst svona snemma. Þegar jól­in koma loks­ins er maður bú­inn að fá al­veg nóg af þeim. Við þurf­um bara að sjá hvernig við Íslend­ing­ar tök­um í þetta. Þetta verður ekki að sið Íslend­inga fyrr en þeir taka siðinn upp.“

Terry bendir síðan á að framboð verslana geti haft áhrif. Costco gæti vissulega fært bandarískar venjur inn í íslenskt samfélag en bara ef Íslendingar hafa áhuga á því að taka upp þær venjur.