Miðill stjarnanna, Tyler Henry, heldur því fram að hann hafi talað við Michael Jackson. Tyler Henry er með þættina Hollywood Medium á E! Entertainment.

Tyler, 23 ára, settist niður með systur Michael, La Toyu Jackson.

Tyler sagðist hafa talað við Michael Jackson handan við gröfina og sagði að hann hafi verið „barnslegur.“

Þátturinn kom út fyrir ári síðan, áður en Leaving Neverlend kom út, þar sem tveir menn sökuðu söngvarann um barnaníð.

Það eru að verða komin tíu ár síðan Michael Jackson lést og í tilefni þess var þátturinn sýndur aftur og ræddi DailyMailTV við Tyler um samtalið við poppkónginn.

Tyler sagði að Michael væri búinn að fyrirgefa systur sinni fyrir ummæli hennar árið 1993 um samband hans með ungum drengjum.

„Þegar hann kom í gegn, þá fann ég fyrir miklum frið og það var mjög áhugavert. Hann virkaði mjög barnslegur,“ sagði Tyler við DailyMailTV.

„Margir halda að Michael Jackson sé „moonwalking“ eða með hatt, en þegar hann kom í gegn, þá var það eins og barn að reyna að tengjast og hann virkaði eins og hver annar bróðir að reyna að tengjast systur sinni, þannig þetta var mjög sérstakt og tilfinningaríkt.“

Tyler sagði að Michael Jackson væri mjög óánægður með meðferðina sem hann fékk hjá Dr. Conrad Murray. Murray var sá sem gaf honum of stóran skammt af propofol sem varð honum að bana árið 2009.

„Hann er að viðurkenna að hann hefði ekki átt að vera skilinn eftir á þeim tíma sem hann var skilinn eftir. Manneskjan sem átti að fylgjast með honum var ekki að því. Og það er svona: „Ég treysti þér að vera þarna, ég treysti hlutverkinu sem þú áttir að spila til að hj´lpa mér og þú fórst. Þú hefðir átt að vera þarna.““

La Toya Jackson er handviss um að Tyler hafi talað við bróður sinn. „Tyler sagði mér hluti sem enginn veit,“ sagði LaToya.